बारेम
नमस्ते मै रेडियो कार्यक्रम संचालक संगम चौधरी ओ एकठो साहित्यकार ब्लगर तथा युट्युवर फेन हुँ, इ मोर ब्याक्तिगत blog/websit हो । करिब २०७२ ओरसे मै विभिन्न बिढामे कलम रगर्ना कोसिस कैनु, बिषय अनसारके कथा कहानी लिख्टि रेडियो कार्यक्रम चलैना तथा भिडियो बनाके युट्युबमे डर्टि आइल टुँ, असहेके २०७८ साल ओरसे Blog/webait ओर फेन हाँठ पसर्नु । मोर लिख्ना काममे रुचाउन ढेर रलक मारे हुइ किताब पहर्ना बानि ओ मन फेन ढेरबा, २०७५ ओर मै डु ठो किताब कथा संग्रह लावा घर ओ गजल संग्रह अस्रा फेन छपैना सफल हुइनु, जोन कथा संग्रहमे १२ ठो कथा रहल बा कलेसे गजलके किताबमे ६० ठो गजल बा ।
किताब निकर्ना बरे सांसट लागल रहे एकओर गरिबिसे घुँचेट्वा पाइल जिन्गि रलक मारे किताब निकारके बिक्रि करके असुल करे नैसेक्नास लागल ओ लेख रचना लिख्ना मे फेन मन मरल हस रहे । मने मै अपन लेख रचना युट्युबमे अपन अवाजमे प्रसारण करे नै छोर्नु, एकओर किताब छापे नै सेक्लेसे फेन अनलाइन पत्र पत्रिकामे मोर लेख रचना चपटिगैल मने सकु नैछापजाए ओहे मारे मोर मनेम लागल मै अपने ब्याक्तिगत websit चलाउँ ओ अपन सक्कु लेख रचना संघारुँ । एहे बिचारसे फेनसे फरक डग्गर पैलाके अपन साहित्यक परगा सर्टि बटुँ, कठैं जिन्गिक सफर सिख्टि ओराजाइट, सिख्ना करममे गल्टि नै हुइट सम उ काम सफल नैहुइट, असहेके मोर साहित्यिक यत्रा फेन बा, कोइ मोर गल्टि डेखैठाँ ओ मै उ गल्टिहे सोझर्टि जाइटुँ ।
मोर साहित्य सक्कु मेरिक मनै पैलाइ सेकिट कहिके एकठो अपने अनलाइन रेडियो फेन बेल्सटि आइटुँ । जो मोर अवाजमे कथा कहानी ओ विभिन्न बिढा ओनाइ सेकजाइट । असहेके मोर सक्कु कार्यक्रमके भिडियो ओ हमार पुर्खनके प्रतिभा गितबाँस खिसा बटकोही मोर अपने युट्युब च्यानल मे जाके झंक्याइ सेकजाइट ।
अन्टमे महि प्रतक्ष अप्रतक्ष रुपमे साथ सहयोग हौसला डेहुइया आत्यमिय मित्रहुँकन सम्झना बा हरडम । ओ अपने ओइनके मैयाँ साथ सहयोग मिल्टि रहे कना आस करटुँ ।
महिसे भेंट ओ मोर लेख रचना प्रतिभा ओनाइक लाग ओ झक्याइक लाग टरे मोर सक्कु लिंक डेगैलबा ।
Radio Fulariya:- https://zeno.fm/radio/radio-fulariya/
YouTube:- https://www.youtube.com/channel/UCaW2DZPFjZm8XZDRwj9snXw
Website:- www.fulariya.com / www.batkohi.com
